ܡܘܓܪܝܢܝ-ܟܻܘ-ܚܕ-ܐܬܪܐ-ܠܐ-ܡܨܐ-ܝܗܒܼܠ-ܚܘܬܡܐ-ܩܐ-ܒܪܓܻܐܡ
ܘܝܢ - ܐܝܪܢܐ - ܦ̇ܕܪܝܟܐ ܡܘܓܪܝܢܝ ܡܫܬܐܠܢܬܐ ܕܦܠܘܛܝܩܐ ܒܪܝܐ ܕܒܝܬ- ܚܘܝܕܐ ܕܝܘܪܘܦ ܒܡܚܙܝܬܐ ܕܒܪܩܘܒܼܠܘܬܐ ܥܡ ܗܡܙܡܝܬܐ̈ ܕܬܪܡܦ ܪܫ ܫܘܠܛܢ ܥܡܐ ܕܐܡܪܟܐ ܒܘܬ ܒܪܓܻܐܡ ܩܐ ܓܗܐ ܐܰܚܪܝܬܐ ܡܫܘܪܪܗ̇ ܐܗܐ ܣܙܓܪܘܬܐ ܠܐ ܝܠܗ ܬܪܝܢ ܓܒܝܬܐ ܘ ܟܻܘ ܚܕ ܐܬܪܐ ܠܐ ܡܨܐ ܗܘܐ ܚܬܡܢܐ ܕܕܝܗ.
ܐܝܟ ܡܚܒܪܬܐ ܕܐܝܪܢܐ ܡܘܓܪܝܢܝ ܒܚܕܐ ܗܡܙܡܬܐ ܥܡ ܫܩܠ- ܛܒܐ ܐܡܪܗ̇:ܙܘܕܐ ܡܢ ܫܢܐ ܡܢ ܩܡ ܐܕܝܐ ܫܘܬܐܦܘܬܐ ܬܒܼܝܠܝܬܐ ܒܙ̇ܘܥܝܗ ܕ ܓܪܫܠܗ ܛܪܢܐ ܥܠ ܚܕܐ ܣܙܓܪܘܬܐ ܒܝܠ ܥܡܝܬܐ ܕܝܘܐ ܦܠܚܢܐ ܡܚܘܝܕܐ ܒܝܠ- ܥܡܝܐ ܘ ܦܠܛܐ ܕ ܫܢܐ̈ ܡܚܦܛܢܘܬܐ ܚܝܠܢܬܐ ܘ ܐܕܝܘܡ ܚܕ ܐܬܪܐ ܠܐ ܡܨܐ ܗܘܐ ܬܚܡܢܬܐ ܕܐܗܐ ܣܙܓܪܘܬܐ.
ܐܝܟ ܡܚܒܪܬܐ ܕܝܗܒܪܝ ܛܒܐ ܕܢܠܕ ܬܪܡܦ ܪܫ ܫܘܠܛܢ ܥܡܐ ܕܐܡܪܟܐ ܡܢ ܒܬܰܪ ܪܒܐ ܝܪܚܐ̈ ܗܡܙܡܝܬܐ ܘ ܡܫܚܕܝܬܐ̈ ܒܘܬ ܚܘܪܙܐ ܟܡܝܠܐ ܕܥܒܼܕܘܬܐ ܡܚܘܝܕܬܐ ( ܒܪܓܻܐܡ) ܘ ܗܝ ܕܗܘ ܒܝܥܕܝܘܗܝܠܗ ܥܒܼܕܘܬܐ ܙܝܦܢܬܐ ܕܐܝܪܢ ܒܦܢܝܬܐ ܡܘܚܒܪܗ ܠܫܘܝܠܐ ܦܠܘܛܝܩܝܐ ܕܐܘܚܕܢܐ ܕܓܢܗ ܒܘܬ ܕܐܟܼܝܘܬܐ ܕܬܦܩܬܐ ܘ ܟܠܝܬܐ ܩܡ ܐܝܪܢ ܬܪܡܦ ܒܐܗܐ ܗܡܙܡܬܐ ܐܡܪܗ: ܡܢ ܗܘ ܙܘܢܐ ܕܥܒܼܪܝ ܠܩܨܪܐ ܚܘܪܐ ܘ ܡܐܟ ܪܫ ܫܘܠܛܢ ܥܡܐ ܫܘܪܝܠܝ ܠܗܓܝܬܐ ܥܠ ܒܪܓܻܐܡ ܘ ܕܐܟܼܝܘܬܐ ܕܫܘܝܠܐ ܚܕܰܬܐ ܕܦܠܘܛܝܩܐ ܕܐܬܪܢ ܒܘܬ ܐܝܪܢ ܐܗܐ ܗܓܝܬܐ ܐܕܝܘܡ ܦܝܫܬܐ ܝܠܗ ܡܘܟܡܠܬܐ ܘ ܐܕܝܘܡ ܡܚܒܘܪܐ ܝܘܢ ܠܚܘܪܙܐ ܕܐܬܪܐ ܒܘܬ ܐܝܪܢ ܘ ܐܗܐ ܕܐܗܐ ܐܬܪܐ ܟܻܘ ܥܕܢܐ ܠܐ ܗܘܝܠܗ ܙܝܢܐ ܐܬܘܡܝܐ.
ܬܪܡܦ ܐܡܪܗ: ܫܘܠܛܢܐ ܕܐܝܪܢ ܗܘܝܐ ܝܠܗ ܡܪܐ ܥܠ ܕܘܠܬܐ ܕܚܕ ܡܢ ܐܬܪܘܬܐ̈ ܟܻܡ ܡܪܐ ܕܙܘܙܐ ܕܕܘܢܝܐ ܘ ܒܠܝܓܐ ܝܠܗ ܠܒܪܝܬܐ ܕܫܓܼܘܫܝܐ ܒܐܬܪܘܬܐ̈ ܕܕܘܢܝܐ. ܗܘ ܡܘܙܝܕܠܗ : ܢܣܝܢܐ ܕܬܫܥܝܬܐ ܡܘܚܙܝܐ ܝܠܗ ܕܐܝܡܢ ܠܐ ܗܘܝܠܠܢ ܦܟܪܬܐ ܕܩܝܩܬܐ ܥܠ ܩܝܘܢܕܝܢܘܣ ܘ ܓܙܡܬܐ ܐܝܟܢܝܘܬܐ ܒܘܫ ܚܪܒܼܬܐ ܝܠܗ..
