جمعه, 28 دی 1397 12:45

ܡܕܡܚܐ ܡܨܥܝܬܐ ܒܚܕܐ ܦܟܪܬܐ - ܡܢ ܣܗܡܐ ܦܠܘܛܝܩܝܐ

ܡܕܡܚܐ ܡܨܥܝܬܐ ܒܚܕܐ ܦܟܪܬܐ - ܡܢ ܣܗܡܐ ܦܠܘܛܝܩܝܐ

ܚܙܘܩܝܐ ܕܙܪܝܦ̇ ܘܙܝܪܐ ܕܣܘܥܪܢܐ ܒܪܝܐ ܕܐܝܪܢ ܥܠ ܥܪܩ ܘ ܬܦܩܬܐ ܥܡ ܡܫܬܐܠܢܐ̈ ܕܐܗܐ ܐܬܪܐ ܒܒܓܼܕܕ

ܙܪܝܦ ܘܙܝܪܐ ܕܣܘܥܪܢܐ ܒܪܝܐ ܕܐܝܪܢ ܗܘܐܠܠܗ ܚܕ ܚܙܘܩܝܐ ܟܡܐ ܝܘܡܝܐ ܥܠ ܒܓܼܕܕ ܐܪܫܟܼܝܬܐ ܕܥܪܩ. ܒܐܗܐ ܚܙܘܩܝܐ ܙܪܝܦ ܗܘܐܠܠܗ ܬܦܩܬܐ ܘ ܗܡܙܡܬܐ ܥܡ ܒܪܗܡ ܨܠܗ ܪܫ ܫܘܠܛܢ ܥܡܐ  ܥܐܕܠ ܥܒܕܘܠ ܡܗܕܝ ܪܫ ܫܘܙܝܪܐ ܘ ܐܘܦ ܐܠ ܗܒܪܣܝ ܬܓܒܪܢܐ ܕܦܪܠܡܢ ܕܥܪܩ.ܣܘܪܝܐ: ܐܡܪܟܐ ܝܠܗ̇ ܡܟܠܝܬܐ ܩܡ ܕܝܪܬܐ ܕܨܚܘܪܐ̈ ܕܐܗܐ ܐܬܪܐ

 

ܐܙܓܕܐ ܕܣܘܪܝܐ ܒܩܝܡܘܬܐ ܕܟܢܫܐ ܕܐܡܘܬܐ̈ ܡܚܘܝܕܐ ܐܡܪܗ: ܐܡܪܟܐ ܐܡܝܢܘܐܝܬ ܗܝܬܐ ܝܠܗ̇ ܣܒܒ ܡܟܠܝܬܐ ܩܡ ܡܡܕܝܬܐ ܕܗܝܪܝܬܐ̈ ܕܡܚܒܢܐ ܕܢܫܘܬܐ ܩܐ ܨܚܘܪܐ̈ ܕܣܘܪܝܐ  ܘ ܠܓܒܐ ܕܒܝܬ- ܡܫܪܝܐ̈  ܘ ܐܡܝܢܐܝܬ ܗܘܝܬܐ ܝܠܗ̇ ܣܒܒ ܡܟܠܝܬܐ ܩܡ ܕܝܪܬܐ ܕܨܚܘܪܐ ܠܒܝܬܐ ܕܓܢܗ ܘ ܐܢܝ ܦܢܝܬܐ̈ ܕܗܘܝܐ ܝܢܐ ܐܙܕ ܒܝܕ ܓܝܣܐ ܡܢ ܬܚܘܬ ܡܫܠܛܢܘܬܐ ܕܬܪܘܪܝܣܬܐ̈.

ܒܘܚܪܢ ܒܣܘܪܝܐ ܫܘܪܝܠܗ̇ ܡܢ ܫܢܰܬܐ ܕ2011 ܒܢܫܪܬܐ ܚܝܠܢܬܐ ܘ ܪܘܚܬܐ ܕܓܘܕܐ ܬܪܘܪܝܣܬ̈ ܕܝܗܘܐ ܦܝܫܐ ܣܢܝܕܐ ܒܝܕ ܐܡܪܟܐ ، ܥܪܒܣܬܢ، ܘ ܡܚܘܝܕܐ ܕܐܢܐ̈ ܐܬܪܘܬܐ̈ ܘ ܢܝܫܐ ܝܗܘܐ ܫܚܠܦܬܐ ܕܩܘܡܝܬܐ̈ ܕܦܢܝܬܐ ܒܝܘܬܪܢܐ ܕܫܘܠܛܢܐ ܨܗܝܘܢܝܐ.

 ܓܝܣܐ ܕܣܘܪܝܐ ܒܗܝܪܬܐ ܕܐܝܪܢ ܘ ܪܘܣܝܐ ܡܢ ܒܬܰܪ ܟܡܐ ܫܢܐ ܟܘܬܫܐ  ܡܘܢܬܝܠܗ ܠܓܼܠܒܘܬܐ ܥܠ ܓܘܕ̈ܐ ܬܪܘܪܝܣܬ ܘ ܦܠܛܬܐ ܕܕܝܗ̇ ܡܢ ܐܗܐ ܐܬܪܐ.

ܬܦܩܬܐ ܘ ܗܡܙܡܬܐ ܕܦܘܡܦܥܘ ܘ ܡܠܟܐ ܕܥܡܐܢ ܒܡܣܩܬ

ܡܝܟ ܦܘܡܦܥܘ ܘܙܝܪܐ ܕܣܘܥܪܢܐ ܒܪܝܐ ܕܐܡܪܟܐ ܠܟܘܬܪܐ ܕܚܙܘܩܝܐ ܕܓܢܗ ܒܦܢܝܬܐ ܗܘܐܠܠܗ ܬܦܩܬܐ ܘ ܗܡܙܡܬܐ ܥܡ ܡܠܟܐ ܕܥܡܐܢ ܒܡܣܩܬ ܘ ܗܘܡܙܡܠܘܢ̈ ܒܘܬ ܩܣܬܐ 2 ܓܒܝܐ ܘ ܦܢܝܬܐ. ܐܗܐ ܬܦܩܬܐ ܒܝܠ ܦܘܡܦܥܘ ܘ ܩܐܒܘܣ ܒܢ ܣܥܝܕ ܡܠܟܐ ܕܥܡܐܢ ܗܘܐܠܗ ܒܡܣܩܬ ܐܪܫܟܼܝܬܐ ܕܐܗܐ ܐܬܪܐ. ܝܗܒܼܝ ܛܒܐ ܪܘܫܡܝܐ ܕܥܡܐܢ ܠܐ ܗܘܐܠܠܘܢ̈ ܪܡܙܬܐ ܥܠ ܫܪܒܐ ܕܗܡܙܡܝܬܐ̈ ܕܐܗܐ ܬܦܩܬܐ.

ܥܪܩ ܘ ܟܘܬܫܐ ܥܡ ܕܐܥܫ- ܡܚܦܛܢܘܬܐ ܓܝܣܝܬܐ ܕܗܫܕ ܐܠ ܫܥܒܝ

ܝܗܒܼܝ ܛܒܐ ܪܘܫܡܝܐ ܡܢ ܥܪܩ ܝܗܒܼܠܘܢ̈ ܚܒܪܐ ܡܢ ܡܘܬܐ ܕ 5 ܓܢܬܐ̈ ܡܢ ܪܒ- ܚܝܠܐ ܕܕܐܥܫ ܒܗܘܦܪܟܝܐ ܕܐܠ ܐܢܒܪ ܕܥܪܩ.

 ܐܝܟ ܡܚܒܪܬܐ ܕܣܘܡܪܝܗ ܢܝܘܙ ܐܢܐ̈ ܚܘܦܛܐ ܦܝܫܠܘܢ̈ ܡܘܥܒܼܕܐ ܒܝܕ ܓܝܣܐ ܕܥܪܩ ܒܦܢܝܬܐ ܬܝܡܢܝܬܐ ܕܡܕܝܢܰܬܐ ܕܐܠ ܪܛܒܗ ܒܡܥܪܒܼܐ ܕܥܪܩ.

 ܡܢ ܓܒܐ ܐܚܪܝܢܐ ܚܝܠܘܬܐ̈ ܕܐܡܝܢܘܬܐ ܥܡ ܚܝܠܘܬܐ̈ ܕܗܫܕ ܐܠ ܫܥܒܝ ܒܚܕܟܡܐ ܚܘܦܛܐ̈ ܡܚܘܝܕܐ ܡܘܢܬܝܠܘܢ̈ ܠܬܡܙܬܐ ܕܦܢܝܬܐ̈ ܦܪܝܫܐ ܕܐܗܐ ܐܬܪܐ ܡܢ ܐܝܬܘܬܐ ܕܗܕܡܐ ܕܕܝܥܫ.

 

نوشتن دیدگاه


تصویر امنیتی
تصویر امنیتی جدید