جمعه, 01 ارديبهشت 1396 19:28

ܡܕܢܚܐ ܡܨܥܝܬܐ ܒܫܒܬܐ ܕܕܥܒܼܪ

ܡܕܢܚܐ ܡܨܥܝܬܐ ܒܫܒܬܐ ܕܕܥܒܼܪ

ܕܒܼܚܐ ܕܢܫܪܬܐ ܗܘܝܬܐ ܕܚܘܝܕܐ ܕܐܡܪܟܐ ܥܠ ܣܘܪܝܐ- 20 ܡܘܬܢܐ̤ ܠܐ ܓܝܣܝܐ̈

ܥܠ ܒܢܝܕ ܛܒܐ ܘܡܚܒܪܝܬܐ̈ ܚܕܰܬܐ  ܒܢܫܪܬܐ ܗܘܝܬܐ ܚܕܰܬܐ ܕܚܘܝܕܐ ܕܐܡܪܟܐ ܥܠ ܐܬܪܐ ܕܣܘܪܝܐ  ܡܝܬܠܗܘܢ̈ ܟܡܐ ܓܢܬܐ̈ ܠܐ ܓܝܣܝܐ .

 ܓܘܕܐ ܕܡܫܡܗܐ ܠܢܛܘܪܐ ܕܙܕܩܐ ܢܫܝܐ ܕܣܘܪܝܐ ܕܩܢܛܪܘܢ ܕܝܗ ܝܠܗ ܒܐܬܪܐ ܕܐܢܓܠܣܬܢ ܡܘܚܒܪܗ ܠܐܗܐ ܛܒܐ . ܐܗܐ ܓܘܕܐ ܝܠܗ ܒܘܫ ܩܘܪܒܐ ܠܚܝܠܘܬܐ̈ ܕܪܩܘܒܼܠܝܐ ܕܫܘܠܛܢܐ ܒܣܘܪܝܐ. ܐܢܐ ܢܫܪܝܬܐ̈ ܗܘܝܠܗܘܢ ܒ2 ܣܗܡܐ ܦܪܝܫܐ ܒܝܘܡܐ ܕܬܪܝܢܒܫܒܐ ܘ 20 ܠܐ ܓܝܣܝܐ ܘܡܢ ܥܡܐ ܝܥܕܝܐ ܡܝܬܠܗܘܢ ܒܗܘܦܪܟܝܐ ܕܕܝܪ ܐܠ ܙܘܘܪ  ܒܡܕܢܚܐ ܕܐܗܐ ܐܬܪܐ ܬܦܝܩܐ ܒܦܠܫܐ..

ܒܥܘܬܐ ܕܝܘܢܝܣܦ̇ ܒܘܬ ܣܢܕܬܐ ܘܗܝܪܬܐ ܕܨܒܝܐ ܒܣܘܪܝܐ

ܨܢܕܘܩܐ ܕܨܒܝܐ ܕܟܢܫܐ ܕܐܡܘܬܐ̈ ܡܚܘܝܕܐ ( ܝܘܢܝܣܦ̇) ܛܠܒܠܗ ܠܣܢܕܬܐ ܚܝܠܢܬܐ ܕܫܘܬܐܦܘܬܐ ܒܝܠ ܥܡܝܬܐ ܡܢ ܨܒܝܐ ܒܐܬܪܐ ܕܣܘܪܝܐ. ܐܝܟ ܡܚܒܪܬܐ ܕܝܗܒܼܝ ܛܒܐ ܕܐܠ ܫܪܩ ܐܠ ܘܣܬ  ܐܢܬܘܢܝ ܠܝܟ ܡܕܒܪܢܐ ܥܘܒܼܘܕܐ ܕܨܢܕܘܩܐ ܕܨܒܝܐ ܕܟܢܫܐ ܕܐܡܘܬܐ̈ ܡܚܘܝܕܐ  ܒܚܕ ܒܘܝܢܐ ܡܘܚܒܪܗ:ܒܢܫܪܬܐ ܬܪܘܪܝܣܬܝ ܕܝܘܡܐ ܕܫܒܬܐ ܒܓܪܒܝܐ ܕܣܘܪܝܐ ܡܝܬܠܗܘܢ̈ ܙܘܕܐ ܡܢ 68 ܨܒܝܐ ܘ ܒܠܐ ܙܥܘܪܐ ܘ ܐܗܐ ܩܛܠܐ ܟܝܘܝ ܒܛܠܒܐ ܝܠܗ ܠܨܒܼܝܢܐ ܚܝܠܢܐ ܡܢ ܓܒܐ ܕܫܘܬܐܦܘܬܐ ܒܝܠ - ܥܡܝܐ ܒܘܬ ܣܢܕܬܐ ܕܐܢܐ ܨܒܝܐ  ܒܣܘܪܝܐ ܘ ܒܐܝܟܢܝܘܬܐ ܕܒܘܚܪܢ ܒܩܐܡ ܒܐܗܐ ܐܬܪܐ.

 ܗܘ ܡܘܙܝܕܠܗ ܕܙܘܕܐ ܡܢ 6 ܫܢܐ̈ ܝܠܗ ܕܣܘܪܝܐ ܬܦܩܬܐ ܝܠܗ ܒܦܠܫܐ ܓܘܝܐ ܘ ܐܗܐ ܡܚܝܬܐ ܝܠܗ ܚܘܣܪܢܐ ܓܘܪܐ ܥܠ ܦܪܝܫܐܝܬ ܨܒܝܐ ܒܐܗܐ ܐܬܪܐ.

ܚܕܐ ܦܩܝܬܐ ܒܗܠܒ ܕܣܘܪܝܐ- 68 ܡܘܬܢܐ̈ ܕܐܗܐ ܢܫܪܬܐ ܨܒܝܐ̈

ܓܘܕܐ ܕܡܫܡܗܐ ܠܢܛܘܪܐ ܕܙܕܩܐ̈ ܢܫܝܐ ܕܣܘܪܝܐ ܐܡܪܗ: ܒܓܕܫܐ ܕܦܩܝܬܐ ܐܢܬܗܪܝ ܒܡܕܝܢܰܬܐ ܕܗܠܒ ܒܣܘܪܝܐ ܗܝ ܒܨܘܪܬܐ ܡܝܬܐ ܝܢܐ 68 ܨܒܝܐ̈.

ܐܗܐ ܓܘܕܐ ܕܩܢܛܪܘܢ ܕܝܗ ܝܠܗ ܒܐܬܪܐ ܕܐܢܓܠܣܬܢ ܡܘܚܒܪܗ: ܒܐܗܐ ܦܩܝܬܐ ܕܩܘܘܡܠܗ ܒܩܘܪܒܝܘܬܐ ܕܐܘܬܘܒܘܣܐ̈ ܕܠܒܠܢܐ̈ ܕܥܡܪܢܐ̈ ܕܦ̇ܘܥܗ ܘ ܟܦ̇ܪܝܐ ܠܦܢܝܬܐ ܕ ܐܠ ܪܫܐܕܝܢ ܒܡܥܪܒܼܐ ܕܗܠܒ ܙܘܕܐ ܡܢ 126 ܓܢܬܐ̈ ܡܝܬܠܗܘܢ̈ ܕ68 ܓܢܬܐ̈ ܡܢ ܡܘܬܢܐ̈ ܝܢܐ ܨܒܝܐ̈.

ܠܐ ܡܢܬܝܬܐ ܕܕܐܥܫ ܒܩܢܝܬܐ ܕܗܕܡܐ ܚܕܰܬܐ̈ ܘ ܐܢܬܗܪܝ ܒܡܕܢܚܐ ܕܡܘܨܘܠ

ܡܚܦܛܢܘܬܐ ܕܓܘܕܐ ܬܪܘܪܝܣܬ ܕܕܐܥܫ ܒܘܬ ܫܩܠܬܐ ܕܗܕܡܐ ܚܕܰܬܐ ܘܦܪܝܫܐܝܬ ܐܢܬܗܪܝ ܝܢ ܡܦܩܝܢܐ ܕܓܢܗ ܒܡܕܢܚܐ ܕܡܘܨܘܠ ܠܐ ܗܘܝܠܗ ܡܢܬܝܢܬܐ. ܐܝܟ ܡܚܒܪܬܐ ܕܣܘܡܪܝܗ ܢܝܘܙ  ܬܓܒܪܢܐ ܕ ܣܝܥܬܐ ܕܐܡܝܢܘܬܐ ܕܗܘܦܪܟܝܐ ܕܕܝܠܗ ܒܦܟܪܬܐ ܥܠ ܐܫܛܪܐ̈ ܘ ܡܕܪܟܐ̈  ܘ ܛܒܐ ܬܪܘܨܐ ܕܦܝܫܠܗܘܢ ܡܘܫܟܻܚܐ̈ ܒܙܘܢܐ ܕܢܫܪܝܬܐ̈ ܘ ܚܘܦܛܐ ܕܓܝܣܐ ܘ ܚܘܝܕܐ ܥܡܝܐ ܒܦܢܝܬܐ ܕܗܡܪܝܢ ܒܓܪܒܝܝ ܡܕܢܚܐ ܕܒܥܩܘܒܗ ܡܘܚܒܪܗ ܠܐܗܐ ܫܪܒܐ  ܡܘܙܝܕܠܗ ܕܐܗܐ ܓܘܕܐ ܕܠܐ ܗܘܝܠܗ ܡܢܬܝܢܐ ܒܘܬ ܩܢܝܬܐ ܘ ܡܦܠܚܬܐ ܕܥܒܼܘܕܐ ܐܢܬܗܪܝ ܘ ܦܪܝܫܐܝܬ ܢܩܒܼܐ̈ ܒܐܗܐ ܐܘܪܚܐ.

 ܒܝܠ ܫܢܐ̈ ܕ2006 ܗܠ 2008 ܢܩܒܼܐ̈ ܕܕܐܥܫ ܡܘܥܒܼܕܠܗܘܢ̈ ܠܙܘܕܐ ܡܢ 20 ܢܫܪܝܬܐ̈ ܐܢܬܗܪܝ( ܡܦܩܝܬܐ ܕܓܢܐ) ܒܦܢܝܬܐ̈ ܦܪܝܫܐ ܕܗܘܦܪܟܝܐ ܕܕܝܠܗ.

Add comment


Security code
Refresh